Take a fresh look at your lifestyle.

Taliban in Afghanistan: ମହାବିଦ୍ୟାଳୟ ଛାତ୍ରୀଙ୍କ ପାଇଁ ତାଲିବାନର ଗାଇଡଲାଇନ, କଣ ରହିଛି ନିୟମ ?

0 822

Get real time updates directly on you device, subscribe now.

Taliban in Afghanistan: କାବୁଲ: ଆଫଗାନିସ୍ତାନରେ (Afghanistan) ସରକାର (Government) ଗଢିବା ପରେ ଦିନକୁ ଦିନ କଠୋର ହେବାରେ ଲାଗିଛି ତାଲିବାନ (Taliban)। ପୂର୍ବରୁ ତାଲିବାନ ଛାତ୍ରୀଙ୍କ ଶିକ୍ଷା (Girls Education) ଉପରେ ରୋକ ଲଗାଇଥିବା ବେଳେ ଏବେ କିନ୍ତୁ ସାମାନ୍ୟ କୋହଳ ନୀତି ଆପଣେଇଛି । ତାଲିବାନର ସରକାରର ଉଚ୍ଚଶିକ୍ଷା ମନ୍ତ୍ରୀ ଛାତ୍ରୀଙ୍କୁ କଲେଜ ଯିବାକୁ ଅନୁମତି ପ୍ରଦାନ କରିଛନ୍ତି। କିନ୍ତୁ ଏଥିପାଇଁ ସମସ୍ତ ଗାଇଡ଼ଲାଇନକୁ ମାନିବାକୁ ହେବ ବୋଲି ସେ ସୂଚାଇ ଦେଇଛନ୍ତି।

ଉଚ୍ଚଶିକ୍ଷା ମନ୍ତ୍ରୀ ଅବ୍ଦୁଲ ବକି ହକ୍କାନୀଙ୍କ କହିବା ଅନୁଯାୟୀ ଛାତ୍ରୀଙ୍କ ପାଇଁ ସ୍ବତନ୍ତ୍ର ଶ୍ରେଣୀ ହେବ, ଯେଉଁଠାରେ ଛାତ୍ରମାନେ ପ୍ରବେଶ କରିପାରିବେ ନାହିଁ । ଲିଙ୍ଗଗତ ଆଧାରରେ ଏହି ଶ୍ରେଣୀକକ୍ଷ ନିର୍ଦ୍ଧାରଣ କରାଯିବ। ସେହିପରି ଶ୍ରେଣୀକୁ ଛାତ୍ରୀମାନେ ଇସଲାମୀ ପୋଷାକ ପିନ୍ଧିକରି ଆସିବା ବାଧ୍ୟତାମୂଳକ ରହିବ। ରବିବାର ଦିନ ଏକ ସାମ୍ବାଦିକ ସମ୍ମିଳନୀରେ ଏହି ନୂତନ ନୀତିଗୁଡିକର ନୀଳ ନକ୍ସା ଉପସ୍ଥାପନ କରିଥିଲେ କରିଥିଲେ ମନ୍ତ୍ରୀ ହକ୍କାନୀ। ଏହାର କିଛି ଦିନ ପୂର୍ବରୁ ଆଫଗାନିସ୍ତାନର ନୂତନ ଶାସକମାନେ ତାଲିବାନ ସରକାର ଗଠନ କରିବାକୁ ଘୋଷଣା କରିଥିଲେ, ଯେଉଁଥିରେ ଜଣେ ମହିଳାଙ୍କୁ ସ୍ଥାନ ଦିଆଯାଇନଥିଲା। ଏଥିପାଇଁ ତାଲିବାନକୁ ବିଶ୍ବସ୍ତରରେ ସମାଲୋଚନା କରାଯାଇଥିଲା।

ମନ୍ତ୍ରୀ ଅବଦୁଲ ବାକି ହକାନୀ କହିଛନ୍ତି ଯେ ବିଶ୍ୱବିଦ୍ୟାଳୟର ମହିଳା ଛାତ୍ରମାନଙ୍କୁ ହିଜାବ ପିନ୍ଧିବାକୁ ପଡ଼ିବ। କିନ୍ତୁ ଏହାର ଅର୍ଥ କେବଳ ମୁଣ୍ଡରେ ସ୍କାର୍ଫ ପିନ୍ଧିବା କିମ୍ବା ଚେହେରାକୁ ଘୋଡାଇବା ବାଧ୍ୟତାମୂଳକ ହେବ କି ନାହିଁ ସେ ବିଷୟରେ ବିସ୍ତୃତ ବିବରଣୀ ଦେଇ ନାହାଁନ୍ତି। ୧୯୯୦ ଦଶକ ଶେଷରେ ସରକାର ଚଳାଇଥିବା ତାଲିବାନ ଏଥର କିପରି ଭିନ୍ନ ହେବାକୁ ଯାଉଛି ତାହା ବିଶ୍ୱ ନଜର ରଖିଛି। ସେତେବେଳେ ଝିଅ ଓ ମହିଳାମାନଙ୍କୁ ଶିକ୍ଷାଠାରୁ ଦୂରରେ ରଖାଯାଇଥିଲା। ଏଥିସହ, ସାଧାରଣ ଜୀବନରେ ତାଙ୍କର କୌଣସି ଅଂଶଗ୍ରହଣ ନଥିଲା। ତାଲିବାନ କହିଛି ଯେ ଏହା ବର୍ତ୍ତମାନ ବଦଳିଛି। ମହିଳାମାନଙ୍କ ବିଷୟରେ ମଧ୍ୟ ସେମାନଙ୍କ ମଧ୍ୟରେ ପରିବର୍ତ୍ତନ ଆସିଛି। ତେବେ ନିକଟରେ ମହିଳା ପ୍ରଦର୍ଶନକାରୀଙ୍କ ବିରୋଧରେ ହିଂସା ଘଟିଛି।

 

Get real time updates directly on you device, subscribe now.

Leave A Reply

Your email address will not be published.